ბუნების დაცვის მსოფლიო ფონდი (WWF) ყოველ ორ წელიწადში ერთხელ გამოსცემს პლანეტაზე სიცოცხლის შესახებ ანგარიშს, რომლის მომზადებაში წვლილი შეაქვთ წამყვან ექსპერტებსა და სხვადასხვა ორგანიზაციებს. ანგარიშში წარმოდგენილია პლანეტის სიჯანსაღის მეცნიერული შეფასება, რომელიც ასახავს, თუ რა მდგომარეობაშია ცოცხალი ბუნება, რა საფრთხეების წინაშეა ის და რა ზემოქმედებას ახდენს ყოველივე ეს ადამიანებზე. ანგარიშში მოცემული დასკვნები და რეკომენდაციები დაფუძნებულია ბიომრავალფეროვნების მდგომარეობის სხვადასხვა მეთოდით განსაზღვრულ ანალიზზე, რომელთაგან ყველაზე მნიშვნელოვანი პლანეტაზე სიცოცხლის ხარისხის ინდექსის გაზომვაა.