კავკასიის ეკორეგიონული კონსერვაციის გეგმა წარმოადგენს კავკასიის ეკორეგიონში ბიომრავალფეროვნების კონსერვაციის სახელმძღვანელო დოკუმენტს, სადაც განსაკუთრებული ყურადღება ტრანსსასაზღვრო და რეგიონულ თანამშრომლობას ეთმობა. ეკორეგიონული გეგმა განსაზღვრავს ბიომრავალფეროვნებისთვის განსაკუთრებით მნიშვნელოვან ადგილებსა და კონსერვაციულ ლანდშაფტებს. გეგმა მოიცავს კონკრეტულ ამოცანებსა და ქმედებებს ეკორეგიონში ეკოლოგიური ქსელის განვითარების მიმართულებით და ასევე, ტყისა და მტკნარი წყლის ეკოსისტემებისა და საფრთხის წინაშე მყოფი ცხოველთა ველური სახეობების კონსერვაციის მიზნით.